Shqipëria është e mbytur nga krimi. Por, cilat janë zonat më të rrezikshme?
Gazetari Artan Hoxha ka zbuluar qytetet me nivelin më të lartë të kriminalitetit në vend. Sipas tij, bëhet fjalë për lëvizje të mëdha të lëndës narkotike, ndërsa asnjëherë nuk kuptohet kur tarfikantët kanë konflikte mes njëri-tjetrit.
“Qytetet më të frikshme për mua, më problematiket ku kanë ndodhur vrasje që unë i quaj të shmangshme është Shkodra, ku kemi vrasës në qarkullim. Unë jam i kujdesshëm kur shkoj në Shkodër, për shkak edhe të punës sime. Ka ardhur duke u sofistikuar. Më përpara e kishin me njëri-tjetrin, ndërsa sot janë bërë më të sofistikuar se media është bërë bezdisëse për ta. Është Vlora, ku ka patur shumë zhdukje kufomash. Qyteti më i organizuar në Shqipëri është Fieri, ka qenë dhe do jetë. Është destinacioni ku është lëvizja më e madhe e lëndës narkotike. Nuk e merr vesh që aty ka konflikt mes tyre”, tha gazetari i ftuar në emisionin “Provokacija” të Mustafa Nanos.
