Kryeministri Edi Rama ka takuar sot në Korçë fermerët e zonës dhe gjithashtu ka komentuar edhe marrëveshjen me PD. Ai e ka cilësuar Partinë Demokratike si një rrezik për këtë vend edhe pse tashmë është përfshirë në zgjedhje.
“Ajo që PD ka treguar është se nuk dinë të bëjnë shtet por vetëm të çmontojnë shtetin. Ajo që kemi për të humbur nëse kthehemi mbrapa është katastrofë. Kemi 1 mijë gjëra që as nuk mund të bëhemi bashkë, ama në fund të ditës jemi përfaqësues të këtij populli dhe nuk na ka borxh populli. Vettingu u bë, do votohet dhe do ta votojnë të gjithë ”- tha Rama.
