“PD nuk mund të fshihet në çadrën e luftës për pushtet duke braktisur detyrën e saj kushtetuese përpara qytetarëve”.
Kështu u shpreh Kryeministri Edi Rama gjatë kominikimit të tij javor. Më tej kreu i ekzekutivit ritheksoi vendosmërinë e shumicës parlamentare për të votuar komisionet e Vetting-ut.
Rama gjithashtu tha se tanimë janë vendosur themelet e një drejtësie të re në Kushtetutën e Shqipërisë dhe Kuvendi ka miratuar ligjet për fillimin e një revolucioni, duke nisur nga Vetting-u. Rama tha se është koha tani që t’i hapim rrugë ndëshkimit të prokurorëve dhe gjyqtarëve duke zbatuar Vetting-un.
Ndërsa duke folur për protestën e opozitës dhe kërkesat e saj për qeveri teknike, kryeministri tha se PD po kërkon pushtetin në tavolinë. Ndërkaq Rama theksoi dhe arrtijet e qeverisë dhe tha se për të bërë më tepër zhvillim na duhet Reforma në Drejtësi.
