Tre deputetë të mazhorancës kundër, Pjerin Ndreu: Marrin përparësi servilët e spiunët që janë me shumicë në Shqipëri
Deputetët e mazhorancës janë kundër projektligjit të qeverisë i cili parashikon spiunimin e praktikave korruptive në administratë. Qeveria e ka hartuar ligjin me qëllimin për të luftuar korrupsionin në administratën publike. Opozita e ka kundërshtuar këtë propozim të qevertisë por edhe deputetë të PS-së në komsiionin e Sigurisë u shprehen kundër tij.
Deputeti socialist Paulin Sterkaj tha sot në mbledhjen e komisionit të Sigurisë se me këtë ligj mund te abuzohet kundër personave e grupeve të caktuara. “ A keni menduar ndonjëherë se ky projektligj mund të kthehet në një aktivitet real kundra grupimeve të ndryshme në sektore të ndryshme?! E shoh me merak këtë pjesë”.
Në të njëjtën linjë deputeti tjetër socialist, Pjerin Ndreu, tha se propozimi i qeverisë mund të shkaktojë kolaps në administratë pasi spiunët e intriganët në Shqipëri kanë kanë gjetur gjtihmonë terren veprimi edhe pa ligj.”Duhet të mbyllen hapësirat për njerëzit që mbajën vendet e punës me spiunlliqe sepse intrigantët spiunët dhe servilët janë të parët e vendit në Shqipëri”. Edhe kreu i komisionit të Sigurisë Spartak Braho shprehu disa rezerva duke ia kaluar komisionit të ligjeve për rishikim
Zv.ministri i Drejtësisë Idlir Peçi u shpreh se ky ligj është i domosdoshëm për të siguruar fakte të cilat shpesh i mungojnë prokurorisë për të vijuar hetimin e çështjeve.
Pavarësisht kundërshtive të deputetëve të mazhorancës, komisioni e miratoi në parim projektligjin e qeverisë pëe spiunët në administratë.
