Shtyrja e afateve të Komisionit Hetimor për ligjshmërinë e vendimeve të Presidentit Meta ka përplasur mes tyre vetë anëtarët.
Deputeti Alban Zeneli, i futur në Parlament me listat e PD-së është shprehur se se një pjesë e anëtarëve nuk kanë qenë dakord me zgjerimin e objektit të hetimit.
“Nuk kemi pse hyjmë në lojën politike që keni ju me presidentin. Ky është show që vazhdon në këtë komision. Do jemi këtu për të dhënë opinionin tonë sepse ne pavarësisht se sjemi dakort jemi të kushtëzuar. Serioziteti i treguar për këtë komision nuk është ai i duhuri për të vetmen arsye që ky komision merr në shqyrtim për herë të parë shkarkimin e presidentit të republikës”, u shpreh Zeneli.
Ndërkohë deputeti tjetër i opozitës së re Halit Valteri ka pyetur anëtarët e tjerë të komisionit nëse ishin mbledhur për të hetuar ligjshmërinë e vendimeve të Presidentit Meta: “S’po mbaroni të parën e po kaloni në çështjet e tjera. Nëse nuk e keni seriozisht atëherë thoni nuk e shkarkojmë dot Ilir Meten dhe të shkojmë në punën tonë”
Ndërkohë deputeti i PS-së Spartak Braho, dikur në një parti me Ilir Metën u shpreh se: “Komisioni hetimor është ngritur për të shkarkuar presidentin, dhe presidenti shkrkohet vetëm për shkelje të rënda. Janë shtuar dhe 8 shkelje, por nuk gjykoj dot nëse janë të rënda.”
Dy deputetët e PD-së e kanë cilësuar si lojë politike shtyrjen e afateve të hetimit të komisionit hetimor, pasi ky komision thjesht mund të japin opinione dhe konkluzione pasi vendimin për Presidentin e merrr Gjykata Kushtetuese.
