“LSI-ja asnjëherë nuk i ka shërbyer nxitjes së konfliktit, por i ka shërbyer vetëm nxitjes së dialogut.”- kështu është shprehur kryetari i Lëvizjes Socialiste për Integrim, Ilir Meta, ndërkohë që Partia Socialiste pret një përgjigje për koalicionin në zgjedhjet e qershorit.
Në një takim me të rinjtë e LRI në Kuçovë, Meta tha që vetëm përmes dialogut politik mund të forcohen institucionet në vend.
“Suksesi i zgjedhjeve të ardhshme nuk është as rezultati i LSI dhe as rezultati i askujt tjetër. Suksesi i zgjedhjeve, standardi i besueshmërisë që ato do të realizojnë për qytetarët tanë. Nga zgjedhjet varet shumë fati i të rinjve e të rejave të Shqipërisë dhe i të ardhmes evropiane të vendit tonë.”– u shpreh kreu i LSI-së.
