Agron Tufa, drejtori ekzekutiv i Institutit për Studimin e Krimeve dhe pasojave te Komunizmit në Shqipëri (ISKPK) ka kërkuar strehim politik në në Zvicër për shkak te pasigurisë për jetën e tij dhe të familjes se tij në Shqipëri. Burime të besueshme konfidenciale thanë për Gazeta “Minerva” se zoti Tufa ka kërkuar zyrtarisht strehim politik në shtetin e Zvicrës dhe aktualisht ndodhet familjarisht i strehuar ne një nga qendrat për azilantë politikë të këtij shteti.
Nga Zvicra, ai i ka kërkuar dorëheqjen nga drejtori i ISKPK, nëpërmjet një letre kryetarit të Bordit Drejtues të ISKPK, Uran Butka.
Prej disa kohësh zoti Tufa dhe Instituti që ai drejton ishte vënë në shenjestër të goditjeve te mazhorancës ish-komuniste në pushtet, veçanërisht nga pjesa e saj e implikuar në krimet e komunizmit.
Agron Tufa u kërcënua dhe u fye publikisht në Kuvendin e Shqipërisë nga deputeti i qeverisë, Spartak Braho, ish-hetues e gjykatës i diktaturës komuniste, autor i krimeve të saj, ndërkohë që ai u bë pre e kërcënimeve publike në mediat e rrjetet sociale pro qeveritare. Politikanë e zyrtarë të lartë të shtetit kanë ngritur një sërë padish ndaj tij në prokurorinë dhe gjykatat e kontrolluara nga qeveria, në fushatë pothuaj inkuizicioni që me sa duket e ka bërë të pamundur qëndrimin e tij të mëtejshëm në atdhe.
