Ish-kryeministri Sali Berisha ka analizuar vendimin e Holandës për rikthimin e vizave në vendin tonë.
Përmes një postimi në faqen e “Facebook”, ish-kryeministri e cilëson votimin në Kuvendin e Holandës si një këmbanë alarmi për qytetarët shqiptarë.
Postimi i plotë
Këmbanat bien për të gjallët!
– Vendimi i parlamentit të Hollandës është aktakuzë e rëndë për narkoshtetin dhe narkos-it e tij
– Por është dhe një kambanë alarmi për qytetarët shqiptarë!
Të dashur miq, Hollandës, vendit të parë që mbështeti Shqipërinë për heqjen e vizave, i takoi të bëhej dhe vendi i parë që të votojë 9 vjet më vonë për rikthimin e vizave.
Ky votim nuk erdhi si rrufe në qiell të hapur por erdhi pasi Shqipëria është deklaruar dy vite me radhë si qëndër operacionale ndërkombëtare e organizatave kriminale të Europës, Amerikës së Veriut, Amerikës Latine, Azisë. Po rikujtoj këtu se javën që kaloi Europol dhe agjensi të tjera me serioze shpallën krimin e organizuar një rrezik më të madh se edhe vetë terrorizmin për sigurinë e Europës, dhe në krye të piramidës së këtij rreziku qëndronin organizatat kriminale shqiptare.
Ky vendim erdhi pasi vendi u shpall Kanabistan apo Kolumbi e Europës me dhjetra herë nga mediat dhe agjensite më të mëdha të botës, pasi është deklaruar nga që viti 2017 në mënyrë të përsëritur si narkoshtet.
Ky vendim erdhi pasi këto katër vitet e fundit shqiptarët zënë vend kryesor si azilant politik në Gjermani dhe vendin e parë me distancë nga sirianët dhe sudanezët dhe afganët, në Hollandë dhe Francë. Në këtë kontekst, tejet tronditëse janë të dhënat e Galup që tregojnë se 60% e shqiptarëve duan të largohen nga Shqipëria. Ky studim tregon se Shqiperia renditet e katerta ne bote pas Sierea Leone, Liberise dhe Haitit per deshiren e qytetareve per te braktisur atë. Por në rast se në tre vendet e para shkak kryesor janë epidemitë vdekjeprurese të ebolës, kolerës dhe termete shkatërrimtare, në Shqipëri shkaku më kryesorë është pasiguria, krimi dhe vrasja e shpresës të lidhura dirket me kreun e meduzës Edvin Kristaq Rama dhe qëndrimet e politikat e tij shpresëvrasëse për shqiptarët.
Vendimi për rikthimin e vizave për Shqipërinë erdhi pas një raporti të agjensive ligjzbatuese të Mbretërisë së Hollandës, në të cilin konstatohej një rritje dramatike e kriminalitetit dhe trafikut të drogës nga shqiptarë të Shqipërisë në këtë vend.
Vendimin parlamenti i Hollandës e mori pasi nga ai vend, gjatë dy viteve të fundit vizituan vendin tonë një seri delegacionesh. Vetëm këto dy muajt e fundit erdhën për vizitë dy ministra të qeverisë së Hollandës dhe kreu i meduzes, skizoidi Edvin Kristaq Mashtrimi mendonte se mund ti mashtronte me zhgarravinat në zyrën e tij, duke i bindur ata se ky njeri vetëm normal nuk mund të quhej.
Ky vendim nuk erdhi nga Hollanda pa pritur dhe pa kujtuar por ishte paralajmëruar nga autoritetet e këtij vendi dy vite me radhë.
Vendimi i Parlamentit të Mbretërisë së Hollandës është një aktakuzë tejet e rëndë dhe me jehone botërore për narkoqeverine dhe zyrtarët e narkoshtetit shqiptar, që me lidhjet e tyre me krimin dhe drogën Shqipërinë në eksportues kryesor krimi dhe droge ne Europe. Sot jane dhjetra vende nga Europa dhe zona tjera te botes qe kane përfituar nga liberalizimi i vizave por Shqipëria bëhet vendi i parë, për tv cilin një vend anetar themelues i BE voton për rikthimin e vizave. Ndaj dhe kreu i maduzes dhe narkozyrtaret e tij reaguan me një gjuhë banditeske ndaj Mbreterisë së Hollandvs dhe Parlamentit të saj.
Por vendimi i Parlamentit të Hollandës është një Kambanë e fuqishme Alarmi për mbarë shqiptarët.
Ky vendim, në rast se qeveria hollandeze insiston preras ajo rikthen vizat për shqiptaret pasi qeveria aktuale e Edvin Kristaq Krimit ka shkelur rëndë kushtet e plotësuar mbi të cilat u hoqën vizat.
Së dyti, aktualisht vendimin për rikthimin e vizave për shqiptarët po e konsiderojnë seriozisht edhe vende të tjera.
Së fundi, ndonëse Shqipëria nuk ka plotësuar asnjë nga kushtet e përcaktuara në deklaratën e ministrave të jashtëm të BE me 27 qershor të vitit 2018 për hapjen e negociatave, ky vendim vjen si goditja e mëshirës për këtë proces.
Si përfundim, iu bëj thirrje shqiptareve të zgjedhin midis narkoshtetit të Edvinit e narkoqeverise së tij, që kanë shndërruar Shqiperinë në eksportues kryesor të krimit dhe drogës në Europë dhe më gjerë, dhe lëvizjes së lirë pa viza dhe të ardhmes së tyre në Europë! sb
