Mëngjesin e sotëm mbi 700 kg marijuanë janë sekuestruar nga policia italiane e provincës së Barit
Mësohet se lënda narkotike e sapozbarkuar nga një mjet lundrues që vinte nga Shqipëria u identifikua nga një helikopter i rojes bregdetare italiane.
Pas mbërritjes lënda është transportuar në një vilë në komunën Torre a Marre në provincën e Barit.
Forcat e rendit kanë ndjekur nga afër dhe në fshehtësi çdo lëvizje dhe në orët e para të mëngjesit të sotëm kanë bërë të mundur arrestimin e italianit Renato Colasuonno, 64 vjeç. Ky i fundit është një trafikant i njohur droge, i dënuar më parë nga drejtësia italiane për vepra të ndryshme penale.
Në treg marijauna e sekuestruar do të kapte vlerën e 5 milionë eurove.
