Martir Aliu , artisti nga Kosova i cili jeton në Suedi, sjell hitin e tij më të ri “Wake Up”, pjesë e albumit “Skycaller” i cili pritet të dal në treg në muajin nëntor të këtij viti.
Albumi “Skycaller” përmban 10 këngë ku janë të përfshirë reperë nga Suedia mes të cilëve edhe reperi i famshëm nga Miami LR Hoox.
Martiri është i lindur në Kosovë në vitin 1991. Ai jeton në Suedi me familjen e tij që nga mosha katër vjeçe. Ai filloi me muzikë që në moshën 12 vjeçe dhe me kalimin e viteve ai filloi të ndërtojë emër në Suedi dhe tani bëhet gati të shtrihet edhe në pjesën tjetër të botës. Tashmë Martiri është një producent, këngëtar, kompozitor dhe një reper mjaft i suksesshëm në Suedi.
