Në kuadër të 77-të vjetorit të Genocidit Grek ndaj shqipëtarëve të Çamërisë, Shoqata Patriotike Çamëria dhe Partia Drejtësi Integrim dhe Unitet organizuan ditën e sotme një memorium kushtuar ish-kryetarit të Shoqatës Çamëria, Hektor Sejko dhe historianit Ibrahim Hoxha.
Në fjalën e tij kreu i PDIU, Shpëtim Idrizi u shpreh se ne Hektor Sejko edhe Ibrahim Hoxha kanë ndërruar jetë kanë lënë një vepër të madhe sigurisht edhe një amanet të madh.
“Dua t’i drejtohem çdo shqiptari të Çamërisë sa herë që ne do të kemi vështirësi padyshim që do të kujtojmë këto dy burra të mëdhenj. Asnjëherë vështirësia jonë nuk mund të jetë më e madhe sesa e ktyre dy burrave të mëdhenj, të cilët duruan përsekutimin, vuajtjet prej dhjetra vitesh dhe prap ngelen njerëz të mëdhenj, të pamposhtur dhe burim frymëzimi për të gjithë shqiptarët e Çamërisë. Për ne edhe Hektor Sejko edhe Ibrahim Hoxha që kanë ndërruar jetë kanë lënë një vepër të madhe sigurisht edhe një amanet të madh.
Kujtoj Hektor Sejkon në protestën që ne bëm në ministrinë e Jashtme si një burrë i palodhur dhe Ibrahim Hoxhën i cili ndërroi jetë ato ditë. Sot ne po bëjmë hapin e parë për të nderuar dhe për të rrespektuar dy rilindasit e mëdhenj dhe dy figuarat e mëdhaja që i shtohen kolanës së personaliteteve të shqiptarëve të Çamërisë”, u shpreh Idrizi.
Në përfundim të këtij aktiviteti kreu i PDIU Shpëtim Idrizi ndau një medalje mirënjohje për të dy figurat e Hektor Sejkos dhe Ibrahim Hoxhës.
