Ditën e sotme janë mësuar detaje të reja nga vrasja e shqiptarit, Erion Morina, 20 vjeç, nga Malisheva e Kosovës, mëngjesin e sotëm në Calcio, Itali.
Sipas mediave italiane viktima kishte kaluar mbrëmjen në një lokal pranë banesës me një shokun e tij dhe pasi kanë dalë mëngjesin e sotëm nga lokali, në gjendje të dehur, shoku i tij e ka goditur me shishe kokës duke e lënë të plagosur rëndë.
20-vjeçari mësohet se ka rënë pa ndenja në tokë duke humbur shumë gjak.
Për të zhdukur gjurmët, autori e ka tërhequr zvarrë dhe e ka hedhur në kanal.
Rreth orës 6 të mëngjesit, disa kalimtarë kanë vërejtur pikat e kuqe të gjakut në trotuar dhe më pas kufomën.
Policia arriti të identifikonte viktimën, autorin që është në kërkim dhe zbardhi ngjarjen e rëndë.
