Një shqiptar 48-vjeçar ka plagosur me thikë gruan e tij 37-vjeçare me të cilën ishte në proces divorci.
Ngjarja ka ndodhur në parkingun e një qendre tregtare në komunën Suzzara në provincën e Mantovës.
Gruaja është qëlluar disa herë me thikë në trup dhe aktualisht ndodhet e shtruar në spitalin e qytetit në gjendje të rëndë, por jashtë rrezikut për jetën. 48-vjeçari shqiptar me profesionin kasap është vënë në pranga me akuzën e tentativës së vrasjes.
Sipas hetimeve të para, motivi i këtij krimi është asistenca ekonomike që pas divorcit bashkëshorti duhet të paguante për 3 fëmijët e tyre. Shqiptari ka tentuar dhe të hidhet nga një mur i lartë mbi 2 metra, por është bllokuar nga policia.
