Shpëtim Idrizi i ftuar në Fax Tv ka deklaruar se ndërtimi i varrezave për ushtarët grekë në Shqipëri shkel të gjitha konventat ndërkombëtare.
Sipas Idrizit familjarët grekë nuk i marrin trupat e ushtarëve në vendin e tyre pasi pas disa vitesh, duke u bazuar në parimin “ku kemi varrezat, kemi atdheun”, do pretendojnë territoret shqiptare.
“Shkel të gjitha konventat çështja e varrezave. Për varreza të tilla bëhet një varrezë monumentale. Për çfarë i duan grekët varrezat këtu? Pse nuk e do të afërimin e vet në Greqi? Sepse Greqia që ka akoma “Ligjin e luftës” niset nga parimi se “ku kam varret, aty kam atdheun”. Kur fëmijët tanë nuk do ta kenë idenë e asaj që kemi bërë sot, grekët do thonë ja ku kemi varret e ushtarëve tanë, është toka jonë. Pala shqiptare duhet të kërkonte reciprocitet, duhet të kërkonim varrezat e shqiptarëve të çamërisë. Varrezat e çamërisë janë në tokën e tyre, ata s’janë në vendin e tyre”, tha Idrizi.
