Kryetari i PDIU-së Shpëtim Idrizi tha se ka të drejtë të marrë pjesë në ndarjen numëruese tretë dhe të katërt pasi kjo e drejtë i takon çdo partie që në zgjedhjet pararendëse ka mbi dy deputetë.
I ftuar në emisionin “5 pyetje nga Babaramo” në Report TV Idrizi ka komentuat vendimin e KQZ për hedhjen e shortin mes LSI e PDIU për të përcaktuar numëruesit për zgjedhje.
“Unë besoj i referoheni asaj çfarë ka ndodhur edhe në vitin 2015, ku PDIU-së ju hoq e drejta të hynte në short për numëruesin e tretë apo të katërt edhe ju drejtuam Kolegjit Zgjedhor, sepse ligji thotë se çdo parti në zgjedhjet pararendëse, e cila ka mbi dy deputetë ka të drejtë të marrë pjesë në ndarjen numëruese tretë dhe të katërt. Partia e parë dhe opozita e kanë automatikisht, të parë dhe të dytë dhe ne referuar kësaj të drejte ju drejtuam Kolegjit Zgjedhor”, tha Idrizi.
Pjesë nga intervista
Keni hyrë në një konflikt me LSI?
Unë besoj i referoheni asaj çfarë ka ndodhur edhe në vitin 2015, ku PDIU-së ju hoq e drejta të hynte në short për numëruesin e tretë apo të katërt edhe ju drejtuam Kolegjit Zgjedhor, sepse ligji thotë se çdo parti në zgjedhjet pararendëse, e cila ka mbi dy deputetë ka të drejtë të marrë pjesë në ndarjen numëruese tretë dhe të katërt. Partia e parë dhe opozita e kanë automatikisht, të parë dhe të dytë dhe ne referuar kësaj të drejte ju drejtuam Kolegjit Zgjedhor.
A mund të lexohet ky vendim i fundit i KQZ si një disinversion që po ndodh gjatë kësaj fushate elektorale, ku dy partitë tradicionle janë duke sulmuar partitë e tjera parlamentare?
Që jemi në një moment dhe fushatë të çuditshme sigurisht që e kuptojmë të gjithë, ku mbas një rrugëtimi jo të lehtë. Ju e dini që PD për tre muaj ngriti çadrën kërkonte garanci maksimale për zgjedhje të lira e të ndershme, sepse vendi ishte kanabizuar, dhe inkriminuar.
A dukeshin kërkesa të drejta ?
Një pjesë e mirë e tyra po. Edhe fakti që kërkonin garanci më shumë për zgjedhjet po. E kam thënë që në krye të herës që kërkesat për qeveri teknike apo për të fituar pushtetin në tavolinë padyshim që ishin të tepruara, por ja arriti qëllimit. Ajo që bën të çuditshme situatën është fakti që , në përvojat politike për raste të veçanta, me një axhendë të përcaktuar bënë qeverinë e bashkëjetesës, për çështje të caktuara për një kohë të caktuar. Po besoj se do hymë në historinë e politologjisë që në muajin e fushatës zgjedhore u bë qeveri e përbashkët.
Kjo nuk ka sens politikisht por prodhoi një të mirë se PD u fut në zgjedhje. Imagjinoni Shqipërinë pas 27 vitesh demokraci, si student i dhjetorit ne ishim për shtetin e të drejtës demokracinë , e duam Shqipërinë si gjithë Europa. Ne pas 27 vitesh donim që gjysma e politikës së Shqipërisë mos ishte fare pjesë e zgjedhjeve. Në këtë kuptim u bë mirë që situata u qetësua dhe u futën në zgjedhje por padyshim që jemi në situata të çuditshme, ku qeveritë e koalicionit u bënë në muajin zgjedhor dhe padyshim prodhojnë vështirësira të tilla që… Më gjeni një gjykatës që të gjej kush parti është qeverisja dhe kush opozita.
Ne jemi më në opozitë se të gjithë të tjerët.
Rama dhe Basha po dalin kundër partive të tjera dhe përdorin termin tepsi, tavë, kur i dëgjoni këto çfarë ndjesie ju krijon?
Këto zgjedhje janë serioze në vetëvete dhe janë në një moment të rëndësishëm që qytetarët një herë në katër vjet të kenë mundësi të zgjedhin. Në Shqipëri nuk ka tavë, ka vetëm një gjë për tu respektuar një, administratë të mirë. Problemi që ka adminitrata në Shqipëri është një gjë që e dinë të gjithë por nuk e thonë, respektimi i nënpunësit civil, ajo pjesë, ajo turp e specializuar e trajnuar qëndron gjithmonë dhe nuk afektohet nga ndryshimi i pushtetit.
Dy partitë e mëdha kursejnë sulmet nga njëra-tjetra, nuk janë më në ato termat e zhurmshën në ato zgjedhjet e kaluara, ndërkohë që sulmet më të mëdha i bëjnë kundër partive të tjera parlamentare. Pse? Çfarë ka ndodhur ? Pritet një bashkëqeverisje mes PD-PS?
Nuk mund ta them dot këtë gjë sepse nuk besoj të ketë ndonjë marrëveshje. E thënë kështu nuk di të ketë ndodhur ndonjë marrëveshje.
Në Dibër zoti Basha në vend të sulmonte PS sulmoi PDIU duke thënë qypi i turshive, cfarë po ndodh?
Basha ka një merak të madh me PDIU-në dhe me Dibrën në vetëvete, nuk doli aty për të kërkuar vota për PD se i kërkon kundraparti votat për PD dhe për shkak se i kanë ngel shumë merak rezultati zgjedhor i Dibrës ku shkuan e gjithë opozita aty të ishin prezent dhe Dibra votoi dhe PDIU ishte një nga faktorët kryesorë të fitores. Tani unë e kuptoj fushatën elektorale, mund t’i them shumë gjëra dhe kandidatja që në kemi atje ja dha përgjigjen. E ftoj zotin Basha që të jetë shumë i qetë se unë nuk po largohem nga Tirana dhe kërkojë që në këtë fushatë, në këtë kuptim nuk shoh asgjë racionale as në këtë fushatë, e cila është një fushatë e çuditshme por besoj që shqiptarët e kanë kuptuar.
https://www.facebook.com/reporttval/videos/788770724617166/
