Nënkryetari i Parlamentit të Shqipërisë, Shpëtim Idrizi, i ka dorëzuar përfaqësuesit të familjes Jashari kostumin tradicional të trevave të Çamërisë.
Gjatë vizitës që kreu i PDIU-së zhvilloi dje në Kosovë me rastin e 19-vjetorit të rënies së komandatit legjendar Adem Jashari dhe familjes së tij, ai sëbashku me kryetarin e shoqatës “Çamëria” Abaz Hado, i dhanë përfaqësuesit të familjes Jashari dhe medaljonin e mirënjohjes së Shoqatës “Çamëria”.
Gjithashtu Idrizi gjatë ditës së djeshme zhvilloi homazhe në Memorialin e Jasharëve në Prekaz. Idrizi gjatë vizitës në Kullën e Jasharëvë shoqërohej dhe nga Nexhmi Muqiqi, kryetar i Shoqatës “Çamëria” në Kosovë si dhe përfaqësues të degëve të kësaj shoqate nga të gjitha trojet tona etnike.
