“Hashtag” ka mbushur plot 10 vjeç një nga simbolet më të famshme të rrjeteve sociale.
Simboli thurje lindi thuajse rastësisht, ndërsa sot është një nga simbolet më të njohura në botë.
I pari që e përdori, ishte avokati i San Franciscos, ish-punonjësi i “Uber”-it dhe “Google”, Kris Messina, që donte ta përdorte për të organizuar grupet në “Twitter”.
Dy vite pas idesë së tij, “Twitter” e adoptoi zyrtarisht dhe që atëherë është bërë thelbësor në shumë platforma si “Facebook”, “Instagram”, “Google +”, etj.
Në vitin 2014, edhe fjalori anglisht i Oksfordit e shtoi “hashtagun” në botimin e tij, me këtë përcaktim: Një fjalë apo një frazë që paraprihet nga një shenjë thurjeje e përdorur në faqet e internetit dhe në aplikacionet e medieve sociale, veçanërisht në “Twitter”, për të identifikuar mesazhet mbi një argument specifik.
