Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Hashim Thaçi lau gojën me Tropojën që vaditi me gjak Kosovën

Nga Media 0

Nga Besmir Lushaj

Presidenti i Kosovës, Hashim Thaçi, tinëzisht vetëm sa përmendi me la gojën kontributin e Tropojës në luftën e Kosovës. E more balosh delirant e megaloman. Po cila trevë ka flitet shqip është martirizuar për Kosovë sa Malësia e Gjakovës, more bukëshkelun?

Malësia e Gjakovës e stolisi panteonin e Kosovës ne Mic Sokolin, Ali Ibër Nezën (respektivisht, komandant/ zv. komandant të gardës së Lidhjes Shqiptare të Prizrenit.) Malësia e Gjakovës kreu të parin aksion të Lidhjes kur me Col Delinë e Geghysenit banë zap Mehmet Ali Pashën, i ardhur në Gjakovë për pazare me trojet shqiptare. Me mijëra malësorë u banë therore në Cernaleve, Shtimje e Slivovë. Printe Mici me Alinë. 
Shaban Binakin e Avdulla Hoxhën i varën në konop në mes Gjakovës. Shabani Aga, gjylja e topit… Shkelmoi vulën e turkit Hashim e priu në mejdane. 

Haxhi Zekë Byberin Hashim? A ke lexue a dëgjue për Lidhjen e Pejës që e priu ky burrë ditunor i Malësisë së Gjakovës?!

Po Bac Bajramin Hashim? Si i bihet hasha qelibarit të vegjelisë shqiptare që pushka e dëboi nga trolli i të parëve në Malësi e po pushka për vatan e riktheu në rrënjët e veta ku malësorët ishin krah tij në secilën betejë!
Hashim Thaçmja:
Kur eksodi i vëllezërve nga Kosova krehu Shqipninë amë, Tropoja kishte mbi gjashtë muaj që kishte hapur dyert. Kryeparlamentarja italiane, vitin e kaluar, gjatë një fjalimi në parlamentin shqiptar solli në kujtesë përvojën e saj në Unicef gjatë luftës së Kosovës. I kishte rënë Shqipnisë kryq e tërthor dhe vetëm në Tropojë nuk kishte parë çadra! Faktet ta thejnë rrashten Hash!
Tropoja ka numrin më të lartë të pjesëmarrësve në radhët e Uçk-së.Ka 47 dëshmorë Hash. Nga e gjithë Shqipnia ranë 106 dëshmorë. Bëje bilancin Hash!
Këtë prijësin në foto duhet ta njohësh. E njeh e njeh. Je sherran, pjeserisht injorant, por tinëzar strategjik.Gjeneral Tahir Sinani, strateg i fronteve të luftës. Priu në Kosovë, msyni në Preshevë për të rrok pavdekësinë në Iliridë.
Kam shumë për të thënë Hash. Me Fatime Sokolin je turpëruar.”Marrja ik e i zoti nuk e le” – thotë Malësia që të dha fli me mazë, laknur me hitha, bukë çerepi, e djel për breshanë!

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej