Për herë të parë do të bëhen publike sot dosjet e shqiptarëve të Çamërisë që janë persekutuar nga regjimi diktatorial.
Kryetari i PDIU, theksoi se regjimi komunist persekutoi të gjithë shqiptarët, duke përfshirë edhe çamët të cilët u diskriminuar edhe pas rënies së komunizmit.
Ai tha se hapja e këtyre dosjeve nuk shpaguan asgjë, por ndihmon për të qetësuar shpirtrat e familjarëve, për të njohur të vërtetën dhe për të mos harruar, sepse duke mos kujtuar ngjarjet përsëriten.
“Është për të ardhur keq se si shqiptarët e Çamërisë jo vetëm që nuk u pritën mirë në vendin amë, por mbi ta vazhdoi persekutimi i vazhdueshëm. Më duket e njëjta ngjarje me atë që ndodhi me krerët e Çamërisë në vitin 1913. Ku Greqia thirri në bisedim 74 krerët e Çamvrisë dhe të gjithë u ekzekutuan. Pse u persekutuan çamët në komunizëm? Për 50 vite në instanca shtetërore nuk pati asnjë çam. Arsyeja është e thjeshtë, që ne të mos kishim mundësi të bënim atë që po bëjmë sot. Po kërkojmë të drejta. Më vjen mirë që sot bashkëpunojmë me Bashkinë e Konispolit, dhe nuk rri dot pa i thënë kryetarit një kujtim, sot kjo bashki është falë vullnetit të çamëve sepse ishte planifikuar të mos ekzistonte si bashki”, tha Idrizi.
https://www.facebook.com/pdiu.al/videos/1907080549331665/
