Edhe pse na ndajnë plot tetë ditë nga zgjedhjet e vitit 2021, votuesit shqiptarë do të kenë mundësi të bëjnë dy zgjedhje. Ata do të votojnë partinë politike, por gjithashtu kanë mundësi të zgjedhin edhe kandidatin e preferuar nga lista e saj.
Në ndryshim nga zgjedhjet e kaluara, kësaj here votuesit do të kenë në fletën e votimit edhe një vend ku votohet për kandidatin e tyre të preferuar.
Por, ajo që është e dukshme është presioni për vota preferencial në zgjedhjet e 25 prillit. Duke u nisur nga kjo, shumica e prokurorëve të SPAK-ut kanë shprehur preferencën e tyre për Partinë Socialiste. Duke marrë shkasë preferencat e forta të këtyre prokurorëve, reforma në drejtësi merr ngjyrën mavi.
I pari që ka shprehur preferencën e tij për Partinë Socialiste është drejtuesi i SPAK, Arben Kraja. Të njëjtën preferencë kanë patur edhe Altin Dumani, prokuror/drejtues i Prokurorisë së Apelit të Krimeve të Rënda Tiranë, Edvin Kondili, prokuror në Prokurorinë pranë Gjykatës së Shkallës së Parë për Krime të Rënda Tiranë, Vladimir Mara, prokuror pranë Prokurorisë së Shkallës së Parë për Krime të Rënda, Doloreza Musabelliu, prokurore në Prokurorinë pranë Gjykatës së Shkallës së Parë për Krime të Rënda Tiranë dhe Ened Nakuçi, prokuror në Prokurorisë pranë Gjykatës së Shkallës së Parë për Krime të Rënda Tiranë.
Kujtojmë se kreu i SPAK, Arben Kraja, vetëm pak ditë më parë ka nisur verifikimin në lidhje me akuzat për përdorimin e të dhënave personale të përdorura nga Rilindja, por nuk shkon të hetojë në zyrat e kësaj partie, e-albania apo të Bashkisë së Tiranës, por ka marrë në hetim gazetarët që publikuan skandalin.
