Ministrja e Arsimit, Besa Shahini ka deklaruar se gjuha shqipe vijon të keqpërdoret dhe të shkruhet me gabime.
Nga foltorja e Kuvendit, Shahini tha se dekreti i Presidentit të Republikës për Akademinë e Shkencave, Ilir Meta duhet të rrëzohet dhe njëherësh duhet t’i hapet rruga punës për përafrimet inteletuale mes Shqipërisë dhe Kosovës.
“Gjuha shqipe nuk përdoret mirë, ndryshe nga vendet e tjera ku evoluon, përditësohet, por ne nuk e bëjmë mirë në gjuhën shqipe. Sot gjuhës shqipe i mungojnë shumë fjalë. I mungojnë shprehjet në gegërisht. Fjalët i përdorim gabimisht. Krahas përpjekjeve tona me përafrim kombëtar, duhet të bëjmë një përafrim intelektual. Dekreti i Presidentit për Akademinë e Shkencave duhet të rrëzohet”-tha Shahini.
