116 kg lëndë narkotike Cannabis Sativa është sekuestruar nga policia gjatë operacionit antidrogë në Gjirokastër.
Forcat policore kanë arrestuar në flagrancë shtetasin Ilir Jemini 46 vjeç, ndërsa është shpallur në kërkim shtetasi me iniciale E.J.
Bëhet me dije se gjatë kontrollit të ushtruar në banesën e shtetasit Ilir Jemini, në lagjen Zinxhira, Gjirokastër, u gjet një qese plastike me lëndë narkotike e dyshuar të jetë Cannabis Sativa, me peshë rreth 6 kg.
Gjithashtu nga kontrolli i ushtuar në banesën e shtetasit E.J, po në lagjen Zinxhira, u gjetën 12 thasë me lëndë narkotike, me peshë totale 110 kg.
Vazhdojnë kërkimet për kapjen e tij.
