Gjermania heq nga lista e vendeve me rrezik për Covid, Kosovën dhe Maqedoninë e Veriut

Instituti Robert Koch në Gjermani ka bërë një sërë ndryshimesh në listën e vendeve me rrezik për shkak të virusit Covid-19.

Paralajmërimet hiqen edhe për Kosovën, Maqedoninë e Veriut dhe Malin e Zi.

Të dielën qeveria gjermane do të heqë rajone të tjera nga lista e zonave të rrezikut për virusin Covid-19.

Nesër depozitoj kërkesën për kandidim në krye të PD –

Pjerin Ndreu i jep 5 MLD lekë Ylber Shamollit, biznesmenit nën hetim në Kosovë –

Ndryshime në poste drejtuese të Policisë në Tiranë, Vlorë, Durrës dhe Shkodër –

Gjyqtarja Irena Gjoka në rrezik, shtohen masat e sigurisë –

Armenia, Azerbajxhani, Bosnja dhe Hercegovina, Kosova, Libani, Moldavia, Mali i Zi, Maqedonia e Veriut, Serbia, Qipro dhe Ukraina janë hequr nga lista e zonave të rrezikut.

Kjo vlen edhe për dy rajone në Norvegji dhe ishullin Madeira në Portugali. Kushdo që vjen në Gjermani nga këto zona nga toka në të ardhmen nuk duhet të respektojë më asnjë kufizim hyrjeje për shkak të Coronas.

Për të gjitha këto vende dhe rajone, Ministria e Jashtme gjermane nuk bën më paralajmërim për udhëtimet.

SHBA dhe Kanada gjithashtu që nga e diela nuk janë më zona rreziku. Megjithatë, në këto dy shtete ekziston ende ndalimi i hyrjes për gjermanët që nuk jetojnë atje.

Për shkak të numrit në rënie të infektimeve me Corona, qeveria federale heq nga lista e shteteve zona rreziku edhe të gjithë Austrinë dhe pjesë të Greqisë, Kroacisë dhe Zvicrës. Kjo u njoftua nga Instituti Robert Koch (RKI).

BE po punon për një “frenë emergjence” nëse situata përkeqësohet përsëri.