Flamurtari është kthyer në një thes i shpuar, që mbushet dhe rimbushet me para dhe asnjëherë nuk peshon. Skuadra vlonjate është ndërtuar fillimisht me shpenzime të mëdha gjatë merkatos së verës, u rikonceptua me po aq shpenzime edhe në dimër, plus që administratori Sinan Idrizi po paguan edhe borxhe të vjetra që nuk janë të vetat. Por rezultatet nuk vijnë, madje ekipi që tashmë drejtohet nga Ramadani nuk reagon fare në fushën e lojës. Barazim në shtëpi edhe ndaj Tërbunit të Pukës, një skuadër prej 6-7 muajsh e papaguar dhe që po luan vetëm për të respektuar kampionatin, pasi duket se prej kohësh e ka lënë Superioren. Përpara këtij takimi, pothuajse i gjithë ekipi shkoi i organizuar në xhami, por duket se edhe Allahu i ka braktisur vlonjatët e futbollit, të cilët mbeten në zonën e ftohtë të tabelës. Sa për informacion, ndeshja ka përfunduar 1-1, me Lakoste që kaloi Flamurtarin në avantazh në të 60’ dhe Lala barazoi për pukjanët në të 78’.
Kush po e godet Elbasanin? Skandali i penalltisë me Partizanin dhe prapaskenat me 3 arbitrat nga Tirana –
Ndeshja çerekfinale e Kupa e Shqipërisë mes AF Elbasani dhe Partizani në “Elbasan Arena” nuk prodhoi vetëm një rezultat minimal...
