Një ngjarje e rëndë ka ndodhur pasditen e sotme, në Fier, ku një dasëm është kthyer në përleshje, duke u plagosur tre persona.
“Ngjarja ka ndodhur rreth orës 17:20 të pasdites së sotme, në lokalin e shtetasit D.F në fshatin Radostinë, ku po zhvillohej një ceremoni martese, shtetasit A. Bajrami 21 vjeç dhe K.Pashko 33 vjeç, gjatë një konflikti për motive të dobëta, kanë goditur me mjet prerës shtetasit Lavdimir Sula 54 vjeç, Albert Sula 19 vjeç dhe Gëzim Nuredini 25 vjeç, të tre banues në Radostinë”, – bën me dije policia.
Forcat e policisë që kanë mbërritur në vendin e ngjarjes kanë bërë shoqërimin e dy agresorëve, ndërsa po punojnë për zbardhjen e rrethanave të këitj episodi.
Ndërkohë, shtetasit e lënduar, janë shoqëruar në spitalin rajonal të Fierit ku ndodhen jashtë rrezikut për jetën.
