Gjyqtarja e Gjykatës së Apelit Tiranë, Fatmira Hajdari, ka dalë këtë të hënë para Komisionit të Pavarur të Kualifikimit, shoqëruar nga dy avokatët e saj Maks Haxhia dhe Ilira Dane.
Rivlerësimi i gruas së të ndjerit Azem Hajdari bëhet për dy kritere; pasurinë dhe figurën.
Pas konstatimeve të KPK dhe DSIK, të cilët kanë raportuar se Hajdari është në papërshtatshmëri, pasi ka mospërputhje me deklarimin e pasurisë, edhe vëzhguesi i ONM, Teo Jacobs, duket se i ka gjetur të pajustifikueshme deklarimet e Hajdarit, madje ai është shprehur se janë pafund pyetjet që janë lënë pa përgjigje në rastin e saj si më poshtë:
“Pse dikush merr kredi në 2007 dhe keni firmos kontratën në 2009?
Pse e keni marrë kredinë para se të nënshkruani kontratën e qerasë?
Pse dy biznesmenë do shpenzojnë 160 mijë euro për një biznes të dështuar? (kjo është pyetje pa shpjegim për mua)
Pse këta biznesmenë paguajnë kontributin e tyre, njëri 130 mijë dhe tjetri 70 mijë, dhe pse është deklaruar si kursime familjare, dhe pse nuk keni paguar taksat për shitjen e biznesit?
