Trupi i pajetë që u gjet 8 ditë më parë në Fier i përket Artur Buzhiqi, një 40-vjeçar nga Durrësi. Ai ishte shpallur i zhdukur nga familja e tij më 9 korrik. rupi i pajetë u gjet nga policia në plazhin Ndërnënas të Fierit, ndërsa ditën e sotme uniformat blu kanë bërë edhe identifikimin e viktimës.
Buzhiqi është babai i tre fëmijëve dhe hera e fundit që u pa nga familjarët ishte pranë zonë së quajtur “Ura e Dajlanit” në qytetin bregdetar. Ndëra kujtojmë se ata aludonin që familjari i tyre mund të jetë vrarë. Lajmi për vdekjen e tij u konfirmua edhe nga e motra Rajmonda Buzhiqi, e cila e tronditur ngriti dyshimet se i vëllai mund të jetë vrarë.
“Trupi i pajetë i gjetur në Fier fatkeqësisht i përket vëllait tim. E dërguan në Laç, nuk di më shumë sepse jam e tronditur. Duhet të verifikohet mesazhi kërcënues, që i erdhi vëllait tim se që atë ditë ai nuk u kthye më. Jam e sigurt që e kanë vrarë, sepse Arturi gjithnjë ka dalë vetëm dhe është kthyer në shtëpi. Ai personi është shprehur se nëse do ta shihte Arturin do ta bënte për spital, sepse sipas tij i kishte rrahur vëllain. Ai është peshkatar në Durrës dhe Arturi në Durrës ka humbur. Vëllai nuk ka qenë në atë gjendje që të vriste veten”, tha ajo për mediat. Ndërkohë, policia sqaron se në trupin e viktimës nuk konstatohen shenja dhune.
