Nga Petrit Vasili
Edi Rama e vulos pa kthim PS-në me njollën e zezë të monizmit. Edi Rama sot i ka kundër të gjithë shqiptarët me monizmin e tij. Shqiptarët edhe në fundin e viteve 90 ishin të gjithë bashkë kundër monizmit. Votimi në vitin 1992 ishte një plebishit tronditës kundër monizmit dhe nuk ishte thjesht një votim për një parti politike. Sot kriminalizimi i qeverisjes si kurrë më parë në Shqipëri i mbështetur në njerën këmbë tek kriminelët dhe nga ana tjetër tek trafikantët ka vetëm një rezultat, monizmin.
Është shumë e qartë por edhe shumë e thjeshtë, Pluralizmi pra demokracia zbulon nxjerr sheshit menjëherë gjithshka që shqetëson, dëmton dhe trondit vendin, ndërsa monizmi të izolojë njerëzit dhe tu mbyllë gojën.
Monizmi është pasoja e pashmangshme e kriminalizimit të Edi Ramës. Edi Rama me monizmin e tij si një tentativë e vdekur, që pa nisur ende, sot e shpejtoi në mënyrë marramendëse fundin e tij. Fronti qytetar kundër Edi Ramës është sot më i gjerë se kurrë sepse ka një pikë ku të gjithë shqiptarët bashkohen që është urrejtja ndaj monizmit.
Askush nuk e mbeshtet monizmin. Të gjithë kishin menduar se e kishin mbyllur një herë e përgjithmonë faqen e zezë të monizmit në Shqipëri. Partia Socialiste pas viteve 90 bëri gjithshka që të harrohej e shkuara e saj moniste, bile shpesh ankohej se kjo ishte një akuzë e padrejtë që i bëhej asaj.
Sot Edi Rama dhe PS u damkosën përfundimisht si një parti moniste, antieuropiane dhe antidemokratike. Kjo damkë tashmë nuk do tu hiqet kurrë, sepse përsëritja sot pas afër 30 vjetësh do të thotë qartë, që gjithshka kanë thënë ka qenë një mashtrim i lig kundra popullit dhe ata kurrë nuk janë çliruar nga monizmi që ka qenë dhe mbetet ëndrra e tyre. Monizmi që i shkatërroi shqiptarët, i varfëroi në mënyrë tragjike, i izoloi, i depersonalizoi është e vetmja pikë ku shqiptarët janë të gjithë bashkë si një shumicë gjigande kundër tij. Fundi i monizmit të Edi Ramës është i pashmangshëm, por shumë e rëndë është dhe do të jetë fatura e padrejtë që po paguajnë shqiptarët për faj të tij.
Ndaj koha nuk pret, koha është sot.
