Një foshnjë dy muajshe ka humbur jetën ditën e sotme në Librazhd, në rrethana ende të paqarta.
Mësohet se foshnja është gjetur e pajetë në shtëpi nga nëna e saj, e cila e kishte lënë vetëm për disa orë sepse kishte dalë në qytet. Banorët e shtëpive aty pranë janë shprehur se nëna e foshnjës u kishte thënë se do të dilte në qytet për të blerë qumësht.
Foshnja është dërguar shumë vonë në spital, pa shenja jete, dhe ndërhyrja e mjekëve ka qenë e kotë. Policia ka shoqëruar në lidhje me ngjarjen e rëndë nënën e foshnjës dy muajshe që ndërroi jetë, Sote Ozuni, e cila nuk ka qenë e panjohur për Blutë e Librazhdit.
Pak kohë më parë, një nga fëmijët e Sote Ozunit është aksidentuar për vdekje nga një makinë, ndërsa një fëmijë tjetër i ka rënë nga ballkoni pak pas ngjarjes së mësipërme, por fatmirësisht ka shpëtuar. Bëhet me dije se fëmija ishte mbyllur në shtëpi nga nëna, ndaj dhe kishte tentuar të hidhej nga ballkoni për të dalë, por fatmirësisht ka arritur të shpëtojë.
Gazetari Aldo Kozarja në një lidhje direkte për Abc Neës, ka thënë se sipas dëshmive të të afërmve nëna e ka brakrisur foshnjën për rreth gjashtë ose tetë orë, pasi ka dalë në qytetin e Librazhdit.
“Unë nuk e di bëri vaksinat pardje. Vajtëm në shtëpi t’i jepte gji, goca ishte pajetë. Unë e kam rritur vetë atë gocë. Ishim në supermarket, bleu dy tasa për ushqimin, qumësht gocës. Kaq ishte moj bijë si të ikte fëmija aq shpejt. E ka zënë sëmundja e tokës ose i ndikuan vaksinat”, ka thënë një prej komshijeve të Sote Ozunit.
