Mjeku Arben Gjata në një intervistë të dhënë ka folur rreth ecurisë së COVID-19 në Shqipëri dhe në bazë të statistikave sipas tij jemi më mirë se skenari i parashikuar në nisje të epidemisë.
“Jemi më mirë sesa skenari më i mirë që kishim parashikuar. Në fillim të epidemisë, prisnim disa shifra të tjera, por falë masave dhe ndërgjegjësimit të popullatës, kemi shifra më të mira sesa parashikimet më pozitive që kemi patur.
Ajo që kanë në dorë qytetarët është distancimi social dhe ruajtja e higjenës personale. Para se të nisim hapjen, qytetarët duhet të jenë super të ndërgjegjësuar për ruajtjen e distancimit social”, u shpreh ai.
Gjithashtu, mjeku Arben Gjata tha se vendi ynë e ka kaluar pikun e infeksionit, por duhet shumë kujdes me hapjen e masave, pasi goditja e dytë mund të jetë më e fortë se e para.
“Kemi dy spitale COVID dhe kishim parashikuar edhe dy godina të tjera. Sot, mund të mbaheshim edhe vetëm me një spital. Besoj që e kemi kaluar pikun, por nuk jemi kurrë të sigurtë që me rihapjen e aktiviteteve të mos marrim një goditje tjetër që të mos jetë shumë më e rëndë se e para”, e mbylli fjalën e tij mjeku Arben Gjata.
Vrau pronarin grek dhe punëtorin shqiptar, vetëdorëzohet në polici 30-vjeçari
Një 30-vjeçar është dorëzuar sot pranë autoriteteve në Kalamata, lidhur me vrasjen e dyfishtë të ndodhur në Finikounda në fillim...
