Gruaja e ish ministrit dhe deputetit Tory Owen Paterson, Rosa Paterson është gjetur e pajetë në banesën e tyre në Britani.
Rosa ka vdekur në moshën 63-vjeçare.
Në një deklaratë Paterson është shprehur se vdekja e gruas së tij ishte e papritur dhe një goditje e fortë për familjen.
“Është shumë e trishtë që unë duhet të ju informoj se gruaja ime, Roza, është gjetur e vdekur në shtëpinë tonë në Shropshire. Rose dhe unë u martuam për 40 vjet të lumtur. Ajo ishte një grua, nënë dhe gjyshe e mrekullueshme dhe e kujdesshme. Vdekja e saj ka ardhur si një tronditje e tmerrshme për të gjithë ne”, është shprehur ai.
Sakaq, mediat e huaja nuk kanë asnjë detaj lidhur me shkakun që i ka marrë jetën gruas së ish-ministrit.
Rosa Paterson ishte anëtare e bordit të Jockey Club. Çifti u martuan në 1980 dhe kishin dy djem, dhe një vajzë.
