Kreu i Këshillit të Emërimeve në Drejtësi, Ardian Dvorani, ka reaguar lidhur me padinë e presidentit Ilir Meta ndaj tij.
Në një deklaratë për mediat, Dvorani me ironi tha se “në media po mësoj se zoti President, ka vendosur apo po mendohet në fundjavë e deri të hënën, që të bëjë kallzim penal ndaj meje”.
Së paku, vijon deklarata e Dvoranit, “vërej se, si çdo shtetas a funksionar tjetër, më në fund e në këtë rast, Presidenti po e ushtron një të drejtë që, gjithsesi, Kushtetuta dhe ligji ia njeh kujtdo”.
Kreu i KED thotë se si çdo shtetas dhe funksionar tjetër, i nënshtrohem Kushtetutës dhe ligjeve penale të vendit tim.
“Edhe këtë detyrim duhet ta pranoj si kushdo tjetër, pa u justifikuar dhe pa u shmangur me lojra mediatike dhe procedurale përballjes me ligjin, një fenomen ky që jo pak herë ka ndodhur me njerëz të pushtetshëm në çdo kuptim të fjalës.”, shprehet Dovrani.
Dvorani thekson se respektimi i barazisë para ligjit dhe zbatimi i tij i barabartë për të gjithë ishte nevoja dhe një nga sfidat më të mëdha për të cilën u miratua dhe po fillon të zbatohet hap pas hapi Reforma në Drejtësi.
Presidenti Meta kallëzon penalisht kreun e KED-së, Adrian Dvoranin (live)
