“Dua të shkoj në Shqipëri!”/ 33-vjeçari niset me biçikletë nga Italia, habit policët italianë

Shqiptari 33-vjeçar, i cili jeton në Itali, ditën e djeshme ka marrë biçikletën e tij dhe është nisur për të ardhur në atdhe.
Mësohet se policia italiane e ka ndaluar përgjatë autostradës A27 dhe ndërhyrja nga autoritetet italiane ishtë e domosdoshme pasi rrezikohej seriozisht prej trafikut të makinave në autostradë.
I pyetur nga policët për arsyet që e kishin nxitur të dilte me biçikletë në autostradë, i riu u përgjigj se “Dua të kthehem në Shqipëri!”.
Raportohet nga mediat italiane se 33-vjeçari me banim në Marca, ishte shtruar në spital në Ca “Foncello” për shkak se vuante nga problemet me ankthin shkaktuar prej izolimit të gjatë, madje ai ende mbante në kyçin e dorës, byzylykun e spitalit me emrin dhe datën dhe shtrimit në spital.
Pas njoftimit prej shoferëve në autostradë, një ambulancë është dërguar në vendin e ngjarjes, ndërsa një patrullë e nga policia e autostradës arriti tek ai në pak minuta.