Drogë nga Shqipëria në Brindizi, ja çfarë po ndodh me gjyqin e trafikantëve

Në Itali po zhvillohet procesi gjyqësor kundër 10 të pandehurve për trafik ndërkombëtar të lëndëve narkotike. Prokuroria ka kërkuar dënim më të lartë për Gianfranco Contestabile, 50 vjeç, 14 vjet heqje lirie.

Ndërkohë, organi i akuzës ka kërkuar 8 vjet burg për Rosario Fioretti, 71 vjeç, i konsideruar krahu i djathtë i Contestabile, shkruajnë mediat italiane. Po tetë vjet burg janë kërkuar edhe për Luca Sabetta, 39 vjeç, dhe për Andrea Esposito, 54 vjeç të dy nga Brindizi.

Prokuroria ka kërkuar dënimin me 7 vjet burg për Shefik Musho, 34 vjeç, lindur në Shqipëri dhe banues në Arezzo. Janë kërkuar dënime më të ulëta për disa italianë të tjerë të dyshuar të përfshirë në trafik droge. Prokurori ka kërkuar dënim me 2 vjet e 10 muaj burgim edhe për 2 shqiptarët Leonard Bufi, 36 vjeç, dhe Emilian Bufi, 31 vjeç.

Mbrojtja, akuzat dhe rolet

Sipas prokurorëve Guglielmo Cataldi dhe Valeria Farina Valaori, drejtues të dosjes së hetimit të quajtur Griko, një rol udhëheqës kishte Gianfranco Contestabile nga Brindisi i cili do të “drejtonte dhe organizonte shoqatën për transportin e marijuanës nga deti drejt territorit italian, duke bashkëpunuar me shqiptarët.

Rol kryesor në trafik droge kishin edhe italianët e tjerë, të cilët merreshin drejtpërdrejtë me “organizimin e punës”, kurse lëndën narkotike e sillte nga Shqipëria shqiptarët Shefik Muho dhe vëllezërit Emilian dhe Leonard Bufi. Këta të fundit ishin furnitorë drejtpërdrejtë të drogës nga Shqipëria.

Arrestime dhe zbarkime

Arrestimet datojnë më datë 30 qershor 2017, kur Guardia di Finanza kreu basitisje. Ata zbuluan një vilë plot me drogë në provincën San Vito dei Normanni-Latiano në mbrëmjen e 4 gushtit 2016: brenda kishte 70 kg marihuanë , plus një mitraloz lufte me 119 fishekë. Në atë rast, një shqiptar i quajtur Seli Dajo u arrestua në kushtet e flagrancës, pasi ruante lëndën narkotike.

Përmes përgjimeve telefonike, policia italiane zbuloi rrjetin dhe arriti ta shkatërrojë atë. Janë sekuestruar gjithsej 386 kilogramë drogë, që vinin nga Shqipëria drejt Italisë.