E njohur si një nga politikanet më aktive mbi ruajtjen e vlerave të familjes, kandidatja për deputete Mesila Doda ka ndarë një moment emocionues me mbështetësit e PDIU.
Politikanët në Shqipëri shumë shpesh falenderojnë kolegët e bashkëpunuesit, por harrojnë të tregojnë mirënjohje për ata që i sollën në jetë dhe i mbështetën të arrijnë aty ku janë sot.
Në fjalën e mbajtur në mitingun e hapjes së fushatës në Tiranë Doda ka falenderuar babain dhe ia ka dedikuar atij arritjet e saj.
“Falenderoj nga zemra familjen time dhe një njeri të veçantë, babain tim që për herë të parë është i pranishëm në një aktivitet. Gjithçka që jam sot është falë teje”, u shpreh Doda.
Por Doda nuk la pa përmendur në fjalën e saj edhe festën e “Shën Ndout”.
“E meqë sot është dita e kishës së “Shna Ndout”, “Shna Ndou” na ndihmoftë të gjithëve, Zoti e bekoftë rrugën tonë, Zoti me ne!”, u shpreh Doda.
