Në daljen e parë si deputete e Partisë Drejtësi Integrim dhe Unitet, Mesila Doda rrëfeu në një intervistë për Ora News procesin që e çoi drejt grupit këtij parlamentar dhe nismat ligjore të rradhës. Bëhet fjalë për nënshtetësinë e pasardhësve të të arratisurve para viteve 90, të cilët sipas Dodës po diskriminohen në mënyrë absurde.
“Të gjithë shqiptarët të cilët janë arratisur para viteve ’90 nuk e ka marrin dot nënshtetësinë si shqiptarët që janë larguar pas viteve ’90. Pra praktikisht vazhdon diskriminimi për to dhe për pasardhësit e tyre. Kjo është jo e rëndë. por një lloj diskriminimi që vazhdon pafundësisht. Duhet të vijnë të jetojnë për shumë vite, të rikthehen që ata të marrin nënshtetësinë që pastaj fëmijëet e tyre dhe ata duke ndjekur të njëjtën procedurë të vështirë. Kjo është jo vetëm absurde por është e padrejtë sepse është atdheu i cili mohon bijtë e vet për shkak të një mospajtueshmërie politike që ka patur sepse ka qënë para vitit ‘90”.
Rrugën e nisur me PDIU, Doda tha se do ta vijojë mbi të njëjtat parime, për të cilat ka hyrë politikë, por duke mos e lëshuar çështjen kombëtare.
Doda foli më tej per çështjen e të drejtave të popullsisë çame.
“Vazhdoj të mbaj parimet për të cilat kam luftuar që në fillim të ekzistencës time në politikë, parime të forta të së djathtës. Nuk u dëgjuam në një forcë politike, do jemi në gjendje që të ngjisim një uragan në një forcë politike e cila ka parime themelore bazë. Është një parti e cila ka çështjen kombëtare në themelin e saj. Çështja çame është çështja bazë e çështjes kombëtare sepse është e vetmja e cila nuk ka marrë ende asnjë rrugë. Në qoftë se ne kemi një shtet të Kosovës që është shteti i ri. Nëse kemi një lloj progresi të drejtave të shqiptarëve të Maqedonisë nuk kemi bërë dot asgjë në çështjen e shqiptarëve të Çamërisë”.
