I dërguari special i Shteteve të Bashkuara të amerikës, Gabriel Escobar do të nisë turin e takimeve në Ballkanin Perëndimor. Ambasada e SHBA-ve në Maqedoninë e Veriut, ka dhënë detaje rreth këtij turi, duke theksuar se e mirëpresin në Shkup.
Ambasada shkruan mes të tjerash se vizita vjen ndërkohë qe politikanë dhe biznesmenë ballkanas do të përfshihen në listën amerikane të personave nën sanksione në muajin janar nga SHBA.
“E mirëpresim ardhjen në Shkup të Përfaqësuesit Special për Ballkanin Perëndimor, Gabriel Escobar. Gjatë vizitës, z. Escobar do të takohet me presidentin Pendarovski dhe me zyrtarë të tjerë kryesorë të RMV-së për të diskutuar për disa tema dhe prioritete të përbashkëta për rajonin”, thuhet në njoftimin e Ambasadës Amerikane në Shkup në rrjetet sociale.
Vizita vjen kur të tjerë politikanë dhe biznesmenë ballkanas do të përfshihen në listën amerikane të personave nën sanksione në muajin janar nga SHBA.
Lajmi jepet nga Instituti Ndërkombëtar i Sigurisë me seli në Beograd, që thotë se lista është e gjërë dhe përfshin të paktën 50 persona.
Të sanksionuarit e mundshëm përfshijnë politikanë dhe biznesmenë nga Serbia, Bosnja, Kosova dhe Mali i Zi.
Sipas këtij Instituti, arsyetimi i amerikanëve për vendosjen në sanksione të këtyre personave lidhet me destabilizimin dhe korrupsionin.
Njoftimi pason vizitën e zv.ndihmës Sekretarit të Shtetit për Europën dhe Euroazinë, Gabriel Escobar në Bosnje, Mal të Zi e Serbi. Në turin e tij, diplomati amerikan mori pjesë edhe në takimin e fundit të zhvilluar online në kuadër të Ballkanit të Hapur, ku mori pjesë edhe Kryeministri Rama.
Në atë takim, Escobar tha se SHBA e mbështet këtë nismë, por me kusht që ajo të përfshijë të gjashta vendet e Ballkanit Perëndimor dhe jo vetëm tre, siç është aktualisht Serbia, Shqipëria dhe Maqedonia e Veriut”, thuhet ne njoftimin e ambasades.
Ndërkohë është mësuar se zyrtari i lartë amerikan do të vizitojë Tiranën më 9 dhjetor dhe pritet të ketë takime me kryeministrin Edi Rama dhe kryetarin e PD, Lulzim Bashën.
