Pas mbledhjes së Këshillit të Ministrave të BE-së ministri i Jashtëm grek Nikos Kotzias ka folur në një konferncë për shtyp, ku ka theksuar se gjatë takimit ka ngritur shqetësimin për respektimin e të drejtave të minoriteteve nga pala shqiptare. Sipas Kotzias disa shtete anëtare u përpoqën ta limitonin diskutimin për Shqipërinë vetëm në çështjen e drejtësisë, por më pas u nënvizua se politika shqiptare duhet të plotësojë të 5 prioritetet përpara se t’i hapen negociatat e anëtarësimit. Kotzias ka zbuluar se disa shtete, veçanërisht Italia ka theksuar se duhet caktuar një datë por këshilli ra dakord për të mos caktuar datë.
Kotzias tha se gjatë mbledhjes ka ngritur shqetësimin se Shqipëria ka problem me respektimin e të drejtave të minoritetve dhe të drejtës së tyre të pronësisë, duke vijuar me politikën e ndjekur nga regjimi komunist. Po ashtu Kotzias ka shprehru shqetësimin për klimën e investimeve në Shqipëri duke nënvizuar se investimet greke nuk respketohen në Shqipëri.
Kotzias shprehet se pavarësisht çështjeve ta hapura mes dy vendeve, Greqia është pro anëtarësimit të Shqipërisë në BE.
Sipas tij vendi fqinjë ka bërë progres, por ajo nuk mund të priviligjohet pasi për të hapur negociatat duhet të plotësohen të gjitha kriteret e kërkuara siç kanë bërë të gjitha shtetet e tjera Kotzias nënvizon se anëtarësimi duhet të bëhet sipas mënyrësa europiane dhe bazuar në vlerat dhe parimet europiane.
