“Pala greke duhet të kërkojë falje për masakrat ndaj popullsisë çame, të heqë sekuestron mbi pronat e çamëve, të heqë ligjin e luftës, të lejojë lëvizjen e lirë të shtetasve të çamërisë”
“Traktati i miqësisë ka shërbyer vetëm për të drejtat e palës greke por jo të drejtat e shqiptarëve”, tha sot në parlament kryetari i PDIU-së, Shpëtim Idrizi. Duke folur për çështjen çame, kreu i PDIU-së ka kërkuar më shumë nxitje nga ana e diplomacisë shqiptare për zgjidhjen e çështjes çame. Në fjalën e tij në parlament, Idrizi tha se PDIU nuk ka për qëllim të helmojë atmosferën në marrëdhëniet mes dy vendeve, por zgjidhjen e problemeve mes dy vendeve, të cilat veçse do ta përmirësojnë marrëdhënien mes tyre.
““Heqja e ligjit të luftës në 1940 dhe gjendja e luftës që ekziston mes nesh në kundërshtim me të drejtën ndërkombëtare. Nuk dua të helmoj atmosferën dhe kështu të rënduar në marrëdhënien mes dy vendeve. Por fshehja e problemeve, intimidimi deri në kompleks, mungesa e reciprocitetit dhe diplomacisë publike nuk na ka ndihmuar në 25 vjet të kemi marrëdhënie të fqinjësisë së mirë me Greqinë. Pa komplekset profesionale që kaplon Ministrat tanë të jashtëm dua të vendos disa paketa mbi problematikën kryesore midis dy vendeve tona”, tha Idirizi.
Idrizi kërkoi që pala shqiptare të kërkojë që pala greke duhet të kërkojë falje për masakrat ndaj popullsisë çame, të heqë sekuestron mbi pronat e çamëve, të heqë ligjin e luftës, të lejojë lëvizjen e lirë të shtetasve të çamërisë. Javën e ardhëshme vjen në Tiranë Ministri i Jashtëm grek dhe pritet të diskutohet mbi çështjet e hapura mes dy vendeve ku përfshihet edhe çështja çame.
