Policia e Dibrës ka arrestuar një punonjës policie i Drejtorisë për Kufirin dhe Migracionin, në Portin e Durrësit, ai akuzohet për “shpërdorim të autoritetit policor”.
Bëhet me dije se shtetasi Demir Deda, është arrestuar pasi është përfshirë në një konfrontim verbal e fizik midis simpatizantëve të dy subjekteve politike, në njësinë administrative Tomin të Bashkisë së Peshkopisë.
Shkak për arrestimin e Dedës u bë gjetja e një arme zjarri, tip pistoletë, e gjetur në automjetin e policit të Portit të Durrësit, edhe pse ai deklaroi se e mbante me leje për shkak të detyrës si punonjës policie.
