Deputeti i Partisë Demokratike, Lefter Gështenja ka plotësuar formularin e aplikimit të Autoritetit për Informimin mbi dokumentet e ish Sigurimit të Shtetit.
Në një postim në rrjetet sociale, deputeti Gështenja thotë se para detyrimit ligjor, “u detyrohemi shqiptarëve të jemi të vërtetë dhe dosjet të hapen duke nisur nga vetja jonë”. Arsyet që deputeti ka renditur pse kërkon të informohet mbi dokumentet e ish Sigurimit të Shtetit janë:
“Për marrjen e informacionit nëse kam qenë ndonjëherë i survejuar nga ish Sigurimi i shtetit dhe nëse ka dokument për mua në arkivat e ish sigurimit të shtetit, për të vërtetuar që nuk kam qenë bashkëpunëtor si dhe për të vërtetuar që nuk kam qenë i favorizuar”.
