“Dhuna ndaj Taulant Ballës akt i paprecedentë në historinë e pluralizimit shqiptar. Të gjitha institucionet ligjzbatuese të veprojnë menjëherë”
Demokracia është me të vërtetë në rrezik. Taulant Balla është goditur me grushta nga dhëndri i ish-kryeministrit Berisha. “Një akt të paprecedentë”, e ka cilësuar deputeti Alfred Peza këtë ngjarje duke e shoqëruar me sqarimet e duhura: “Dhuna ndaj Taulantit ishte e parapërgatitur dhe kishte si qëllim uljen e ritmit të reformave.”
Më qesharake se kaq nuk mund të jetë një deklaratë për shtyp. Do t’ia kishin zili edhe veteranët në ato deklaratat pikante që bëjnë në përvjetoret e udhëheqësit.
Me seriozitetin më të madh të mundshëm, nga podium i PS-së, Alfred Peza e ka cilësuar dhunën e dhëndrit të ish-kryeministrit ndaj deputetit Talant Balla, si akt i paprecedentë në historinë e pluralizimit. Peza e ka lexuar me tonalitetin e duhur deklaratën, në mënyrë luftarake.
“Grupi parlamentar i PS-së dënon me ashpërsinë më të madhe dhunën e Jamarbër Malltezi ndaj deputetit Taulant Balla… Malltezi nuk ka dhunuar vetëm Ballën, por ka dhunuar gjithë PS-në… Dhuna e Jamarbër Malltezit ishte një skenar i parapërgatitur dhe ka si qëllim uljen e ritmit të reformave… .”
Më serioze se kaq s’ka ku të shkojë, sidomos kjo e fundit që dhuna ndaj Taulantit paskësh pas’ qenë një skenar i parapërgatitur për të ulur ritmin e reformave…Ja pra që demokracia është vërtetë në rrezik…
