Deputetët e PS-së bojkotojnë mbledhjes pas debatit me ata të LSI-së e PD-së
Nënkryetari demokrat i Komisionit të Sigurisë, Flamur Noka, kërkon nga krerët e institucioneve të sigurisë të rap[ortojnë në këtë komision për atë që ai e quajti skandali i përgjimeve. Është fjala për një deklaratë të ish-kryeministrit Berisha, i cili pretendon se janë përgjuar krerë të lartë të shtetit dhe politikës në mënyrë të paligjshme. Noka tha sot në komision se një grup deputetësh kanë ndërmarrë një kërkesë për të thirrur në Komisionin e Sigurisë për sqarime Ministrin e Brendshëm, Prokurorin e Përgjithshëm, Drejtorin e SHISH dhe Drejtorin e Përgjithshëm të Policisë së Shtetit.
Kërkesa e Nokës për rritjen e krerëve të institucioneve është kundërshtuar nga socialisti, Pirro Lutaj. “S’mund të thirren krerët e institucioneve kur ka nisur hetim për çështjen”tha Lutaj, i cili kërkoi hedhjen në votim të kërkesës. Edhe deputeti i LSI, Luan Rama insistoi që para se të thirren për të raportuar krerët të institucioneve, të kërkohet paraprakisht një informacion zyrtar. Rama deklaroi se nëse provohet ekzistenca e një pajisje të tillë për përgjimet, jemi para një skandali që implikon jo vetëm policinë. Por lUan Rama është përballur me reagimet e deputetëve socilaistë të cilët e akuzuan se po e bbën fakt akuzëne Berishës. Deputeti socilaist Paulin Sterkaj I është drejtuar Luan Ramës: Po e bëni fakt çështjen e pajisjes së përgjimit. Në përgjigje të tij, Luan rama ka sqaruar: Nuk e bëj fakt, por të kërkojmë informacion zyrtar. Deputeti Flamur Noka, ka theksuar se pajisja e përgjigmeve është fakt dhe kjo është e vërtetuar. Pas debatesh të shumta, deputetët e PS-së janë larguar nga mbledhja e komisonit.
