Nga Dritan Shano
Ndoshta e keni harruar valën e fortë populiste në Europë të viteve të fundit. Ndoshta i keni harruar kërcënimet e politikanëve ekstremistë në vende të BE-së për anulimin e marrëveshjes Schengen në 2019 etj….
Sot, ligjin e bën COVID-19. Ky virus, COVID-19 është një virus ksenofob! Kovidi ka eliminuar de facto marrëveshjen Schengen dhe ka rikthyer hartën fizike të Luftës së Ftohtë.
Qëndrimet politike të Bashkimit Europian – për njerëzit, por jo për importet e BE-së drejt Shqipërisë – nënkuptojnë se Kovidi shqiptar rezulton që është më i rrezikshëm se ai italian, grek apo francez… Madje, qeveritë e këtyre vendeve besojnë se Kovidi italian, grek dhe ai francez…, jo vetëm është firmato, po është zhdukur dhe ka mbetur gjallë vetëm Kovidi shqiptar apo ballkanas, i cili mund të bëjë kërdinë më shumë se bëri Kovidi i tyre mbi vendet e Ballkanit në fillim të 2020, prandaj tani duhet të ruhemi prej tyre.
Mjekët që heshtin këtej apo andej perdes së hekurt, COVID-19 janë bashkëpunëtorë të politikanëve dhe janë instrumenti i parë që po përdoret për të kontrolluar mendjet e njerëzve, lëvizjen e lirë të tyre apo liritë individuale të secilit prej nesh.
