Presidenti i vendit Ilir Meta i ka dërguar dje një letër Aleancës për Mbrojtjen e Teatrit Kombëtar, për të konfirmuar mbështetjen e tij.
Nëpërmjet një postimi në Facebook, Meta deklaron se është krah kauzës së tyre dhe mbështet aplikimin e Aleancës drejtuar organizatës prestigjoze “Europa Nostra”.
Kreu i Shtetit ka publikuar edhe një video të kryeministrit Edi Rama të vitit 2000, ku ky i fundit deklaronte se është në mbrojte të Teatrit Kombëtar.
https://www.facebook.com/ilirmetazyrtar/videos/343188466592482/?v=343188466592482
Reagimi i plotë i Metës:
Të dashur miq!
Po ju njoh me faktin se dje i kam dërguar një letër Aleancës për Mbrojtjen e Teatrit Kombëtar, për të konfirmuar mbështetjen time në aplikimin e saj drejtuar organizatës prestigjoze “Europa Nostra” për mbrojtjen e kompleksit të Teatrit Kombëtar dhe Teatrit Kombëtar Eksperimental.
Po kështu të gjitha qëndrimet e mia në mbrojtje të trashëgimisë historike e kulturore të Tiranës, kanë qenë dhe janë në koherencë të plotë për këtë çështje prej 20 vitesh.
Dëgjoni ju lutem kryeministrin aktual, z.Rama se si e konfirmonte këtë fakt në vitin 2000, kur shërbente me devocion të jashtëzakonshëm si ministër Kulture, në qeverinë që unë drejtoja.
