Në pamjen e jashtme nuk kanë asgjë të përbashkët.
Rita Ora dallohet në muzikë, kinema dhe zhveshje sportive.
Cristiano Ronaldo allias CR7 dallohet në futboll dhe në reklamat e të brendshmeve të meshkujve.
Mira Rakacolli dallohet si mjeke neuropsikiatre e pacientit 0 dhe rolin e duhur në përrallën e Borëbardhës.
Të tre këto personalitete të jashtëzakonshme kanë thyer rregullat anti-COVID.
Rita Orës ju bë një gjyq publik, në të cilin ndërhyri dhe babi me mamin e Ritës që i hoqën vërejtje. Lokali, ku u bë festa u gjobit dhe këngëtarja shqiptare u afrua të paguajë dëmin. Lokali po rrezikon të mbyllet fare.
CR7 festoi ditëlindjen e bashkëjetueses në një resort në mal në veri të Italisë dhe përditë po kërkohet dënimi i tij, sepse në raport me pandeminë nuk ka njerëz të veçantë. Me gjasë Cristiano do të përballohet me pasojat e ligjit të vendosur për masat anti-COVID.
Mira Rakacolli nuk ka asnjë pasojë. Ndërsa në ditë gjobiten 800 deri në 1000 vetë se nuk respektojnë masat që vetë Mira ka shpallur, kjo e fundit shkeljet e veta i quan “rast i izoluar”.
As Rita, as CR7 nuk janë raste të izoluara si Mira, e cila bën pjesë në klubin e “birat e kumllave”.
