Presidenti grek, Prokopios Pavlopoulos i ka dërguar një mesazh tjetër Shqipërisë ku tha se mosrespektimi i minoritetit grek dhe pretendimet për çamët, përbëjnë dy pengesa të pakapërcyeshme për Shqipërinë drejt Bashkimit Europian. Pavlopoulos tha se çamët shqiptarë kanë qenë bashkëpunëtorë të pamëshirshëm të nazistëve.
Pas këtyre deklaratave të turpshme ka reaguar kryetari i PDIU, Shpëtim Idrizi. Kreu i PDIU e quan plak të rrjedhur presidentin grek, ndërsa nënvizon se Çështja Çame do të pranohet shpejt nga Greqia.
Por sipas Idrizit, më e rëndë është heshtja që flet e autoriteteve shqiptare, Ministrit të Jashtëm, Kryeministrit, e Presidentit të Shqipërisë që nuk i japin përgjigje këtij Presidenti Shovinist që kërcënon Shqiperinë për Çështjen Çame, detyrim që u rrjedh nga Kushtetuta, Rezoluta e Parlamentit të Shqipërisë, e reciprociteti dhe dinjiteti Kombëtar.
Reagimi i kryetarit të PDIU-së Shpëtim Idrizi:
Me shumë keqardhje po aspak i befasuar, ndoqa dhe sot deklatarën e pa vend dhe arrogante të këtij plaku të rrjedhur, Presidentit të Greqisë që vjen vërdallë dhe në mënyrë të përsëritur kërcënon Shqipërinë me integrimin Europian nëpërmjet Çështjes Çame.
Ky plak i rrjedhur që sillet vërdallë në mënyrë të përsëritur fyen kujtimin e mijëra shqiptarëve të Çamërisë të masakruar në shtëpitë e tyre, por dhe mijëra të tjerëve që u shpërgulën me dhunë nga Bandat e Napolon Zervës.
Ky plak i rrjedhur që na paraqitet si përfaqësuesi më i madh i qarqeve shoviniste Greke dhe Agimit të Artë që i ka në Parlamentin e Greqisë, por dhe i atyre që masakruan Partizanët Grek deri në Malin e Gramozit.
Shekulli i kaluar i goditi shqiptarët me padrejtësitë historike të coptimit të trojeve Shqiptare në vitin e mbrapshtë 1913, që Ju paturpësisht festonit para disa ditëve nga Konica, tokë shqiptare, e mendoni të përmbysni dhe historinë.
Të jesh i sigurt ti o plak i rrjedhur se ky është shekulli i Shqiptarëve.
Është vetëm çështje kohe të pranoni dhe Çështjen Çame, që sot po e përdor jo si plak i urtë me thinja në fushatë elektorale të Greqisë, siç pranuat pas 20 vjetësh me Marrëveshjen e Ohrit emrin e Maqedonisë së Veriut.
Por më e rëndë është heshtja që flet e autoriteteve shqiptare, Ministrit të Jashtëm, Kryeministrit, e Presidentit të Shqipërisë që nuk i japin përgjigje këtij Presidenti Shovinist që kërcënon Shqiperinë për Çështjen Çame, detyrim që u rrjedh nga Kushtetuta, Rezoluta e Parlamentit të Shqipërisë, e reciprociteti dhe dinjiteti Kombëtar.
Z.Pavlopulos, në Shqiptarët e Çamërisë ju vërtetojmë që grekët ishin bashkëpunëtorë të gjermanëve nga Rallis, Micotaqi, Mërimaraqis, Karamanlis etj. Po Ju Grekë me gjithë Greqinë, mund të na vërtetoni që Çamet ishin bashkëpuntorë? Tërë këto 74 vite keni ngritur akuza politike dhe asnjëherë nuk keni ofruar argumente Historike.
