Pas kritikave për diplomacinë shqiptare dhe për rolin që ajo luajti për Kosovën, Ministri i Jashtëm Ditmir Bushati tha se nuk ka asnjë vend tjetër në botë që i ka qëndruar vijimësisht Kosovës.
Bushati gjithashtu hodhi poshtë akuzat se Shqipëria nuk ka reaguar pas ngjarjeve të tensionuara në veri të Kosovës.
“Për sa i përket ngjarjeve të fundit në Kosovë nuk është e vërtetë që Shqipëria nuk ka reaguar, ka reaguar në nivele të ndryshme. Përsa i përket ekzekutimit është Ministria e Jashtme është zyra e Kryeministrit që merret me këto çështje. Shqipëria do vazhdojë të mbështesë mundësitë e dialogut mes Kosovës dhe Serbisë. Por që të thuash se Rama bisedon me Serbinë në kurriz të Kosovës, është komplet e pavërtetë.”
Gjithashtu Bushati i është pëgjigjur ish-kryeministrit Sali Berisha dhe për rolin e politikës së jashtme shqiptare: “Përsa i përket këtij procesi jo të lehtë, që është ndërtuar bazuar në bindjen tonë të plotë që shqiptarët janë promotorë të stabilitetit demokratik në vend. Ky kuvend është i lutur të bëjë rezoluta që politika e jashtme të ushtrohet më mirë, por nga kjo foltore është e rëndësishme të ndajmë populizmin nga përgjegjësitë që duhet të marrë secili. Skenarët për luftë nuk janë për këto foltore. E vetmja gjë që duhet të biem dakort me tjetrin është që të forcojmë këtë trajektore që vijon të përforcohet që nga rënia e regjimit komunist”.
