Bregu: Nuk jam për të dalë nga Parlamenti
Gjatë mbledhjes së sotme me dyer të mbyllura të grupit parlametar të PD-së mësohet se është diskutuar që kjo forcë politikë të bojkotojë seancën Plenare.
Por dy deputetet Majlinda Bregu dhe Jozefina Topalli kanë qenë kundër ketij vendimi. Mësohet se Bregu ka thënë se nuk jam për të dalë nga Parlamenti, pasi kjo do të na penalizonte.
Që të bëjmë bojkot, vijon Bregu, a jemi gati për të nxjerrë njerëzit në rrugë? A i kemi strukturat gati? Ndaj e përsëris, jo 22 po 52 parti të kemi në koalicion, pesha duhet të jetë e jona. Pa qenë të sigurtë për protesta, as mos e përmendim bojkotin. Ose na e thuaj z.kryetar, se ti ke bërë edhe tur në rrethe. A jemi në gjendje të organizojmë protesta? Se nëse po atëhere ne duhet të ishim duke punuar me njerëzit, por druaj se nuk i mbledhim dot njerëzit në rrugë. Ndaj bojkoti duhet hequr nga fjalori, mësohet të këtë thënë ndër të tjera Bregu.
