Nga Foltorja e Dibrës Sali Berisha deklaroi se mbi dy të tretat e delegatëve të këtij qarku kanë firmosur për thirrjen e Kuvendit Kombëtar.
“Unë dua gjithashtu të falënderoj të gjithë delegatët e Kuvendit Kombëtar, të Peshkopisë, Bulqizës dhe Matit, që kanë firmosur tashmë mbi dy të tretat vendimin e tyre për të mbledhur në një moment historik për PD-në dhe vendin, Kuvendin Kombëtar të PD-së, Kuvendin e ringritjes së kësaj force politike në lartësinë e idealeve dhe parimeve të saj si opozita më e fuqishme e vendit, e vendosur të ecë e sigurt drejt fitores që meriton. Kuvendin e thirrur nga mijëra e mijëra delegatë të PD-së, e thërret më shumë se kushdo tjetër koha, e cila kërkon nga ne, të ngrihemi, t’u përgjigjemi sfidave që kemi përpara. Situatës kritike të krijuar në vend nga një regjim i Edi Ramës, i cili në mënyrë tmerrësisht të dëmshme për Shqipërinë dhe shqiptarët, ndërtoi në këto tetë vite, në vend të shtetit ligjor, ai ndërtoi shtetin e krimit dhe drogës, narkoshtetin e parë në Europë. Ky regjim në këto 8 vite jo vetëm nuk përparoi standardet e demokracisë dhe nivelin e jetesës, por përkundrazi çbëri një shumicë të madhe prej tyre, dhe shqiptarët realisht i zhyti në varfëri dhe mjerim”, tha Berisha.
Në vijim të fjalës së tij ish-lideri i PD ka sulmuar qeverinë duke e nisur me rritjen e çmimeve e deri te niveli i varfërisë.
“Varfëria sot në Shqipëri është më e madhe se në vitin 2013. Litra e naftës është pak a shumë njësoj si në Zvicër. Po pse kjo sepse qeveria në vend që të mendojë për qytetarët Rama mendon për vete. Edhe në 2013 nafta nuk ishte e lirë në Shqipëri por nëse në 2013 nafta ishte dyfishi i çmimit të saj në bursë sot nafta në Shqipëri është 3.2 herë më e lartë se çmimi i saj në bursë. Kjo për shkak të çmimit të saj të papërgjegjshëm. Sot vjedhja monstruoze në të gjitha fushat ka bërë që arka e shtetit të jetë bosh, qeveria detyrohet për të marrë 700 milion euro borxh në një kohë kur na thotë të gjithëve se rritja ekonomike ishte 80%. Tregon përrala me mbret sepse të kesh një rritje kaq të madhe ska nevojë të shkosh e të marrësh në banka kredinë më të madhe në historinë e vendit. Sot kjo qeveri fund e krye anti njerëzore shpalli krizën energjetike, duke e krijuar vetë krizën me vjedhje. Vjedhja monstruoze në të gjitha fushat ka bërë që arka e shtetit të jetë bosh.
Paratë e buxhetit i vjedhin dhe vetëm i vjedhin. Pandemia ishte e përbotshme, por ne numërojmë 16.800 jetë të humbura gjatë saj, numërojmë më shumë se ccdo vend tjetër në Europë, dhe jemi një nga 3-4 vendet me vdekshmërinë më të lartë në botë nga Covid. Po pse ndodh kjo? Sepse keta me tenderat e shëndetësisë vjedhin dhe vetëm vjedhin, mbi të vdekur e të sëmurë. Ky kuvend që mbahet është interes jetik kombëtar. Edi Rama u lidh me një mënyrë prej vasali me Aleksandër Vuccicc dhe në vend të nismave europiane“, shtoi ai.
Klikoni linkun këtu për të pare takimin live me qytetarët: https://abcnews.al/live/
